كئيب الوقت ياحظٍ ترك في داخلي موال
تغانمت الحنين اللي عيون الشوق ساهرته
حلمت أشوف لي طفلآ الى منه كبر رجال
كبرت ولا كبر .. حلمً .. لي الايام ذاخرته
رقيت الطور واغواني حنين الذنب والاهوال
تبعت الطيش في درب الضياع المر قابرته
وانا من عام الاربعين اغني ب الفرح واجتال
قبل تموت لي طفله غدت بالقلب حاسرته
سموم جروح تخلق بي ضياع وينولد غربال
على ذاك المكان وسطوة الاحقاد شاهرته
على دير الليال اللي بها نجمه بدت تختال
اعاينها عسى تضوي على الساهر مسامرته
هِنا برويز خطيته معاني في صميم البال
على شيرين لو طالت ليال الوقت ناطرته
يسيّر بالغلا جيشً على الشبديز قام يهال
ذبح حلمً رسم فرهاد ومات ب فقد آسرته
وانا فرهاد في حظي رميت اخر بقايا الفال
عسى تبهج ولو مره على حلمي مناظرته
انا صعبً علي اشرح قديمآ باقيآ مازال
ثلاثين العمر .. حطم .. بشيرآ .. ماتباشرته
ابا اعوّد على الذكرى عسى تزهر بي الامال
يقولون العرب ( صبرآ جميلآ ) لو تصبرته