لما الحنية
بتتكلم
وتطبطب على قلبي تسلم
والنور ف الدنيا بيضحكلى
عمال من طيبتي بيتعلم
وأنا بسأل بقى ياخونا دا أيه
وبكلم روحي وأقول حصل أيه
ولقيت الفرحة دي جيالي
قال أيه بتصالح ف زماني
وتقولي بطيبة وحنية
أنا دعوة أمك يا عنية
أنا أمل الدنيا ف أحضانك
وفصاحة ف لغتك ولسانك
وقبول الكون كله يا عمري
لو حتى ف قلوب عزالك
ويلين القاسي ويصفالك
والناشف يخضر عشانك
والصعب يهون لو قدامك
وكأن هموم الدنيا دا طيف
عمال يحلو بشكل ظريف
ومواجع دنيتنا دي أصلا
ولا دقت يوم على أبوابك
وأنا تايهه وبسأل برضه فيه أيه
جنه ف دنيتنا يا ناس جرى أيه
ردت وبطيبة وحنية
أنا دعوة أمك يا عنية
ماهو كل الخير لأمك سقتية
وف دنيا وآخره لازم تجنيه