قول ياشاعر
وانا بقلمي هاقول وياك
وصَحي حِلمنا النايم
وطيرنا معاك لسماك
وسيبك م اللي ع الكرسي
وخلي مركبك ترسي
علي شط الغلابه هناك
تلاقي الكل مستني
ورا بابه
وورا الشباك
ومنتظرين قلم طاهر
جرئ
مايخافشي ويداهن
يِهِد السِحر ع الساحر
ويتحرر من الكاهن
وتتحرر قلوب الناس
وتتحرر عقول الناس
وتتحرر إيدين الناس
وبإيديهم يفكوا القيد
ولا يخافوا من الحُراس
ياشاعر قول ولا تخافشي
في قولك بس
لينا خلاص