مصر التي في خاطري
عمال تدور
وبادور وراها في كل يوم
ميت ألف دور
أعدي سور
ألاقي غيره بيتبني ميت ألف سور
مصر التي في خاطري
بتعاني هيّ وخاطري من الكسور
ويامين يِجَّبر كسرتي
مصر التي...
مصر التي...
كانت زمان
واحة سلام
شطين آمان
ومفتحه كل البيبان
ماهيا كانت جنتي
مصر التي...
والآن
هوان
وخوف جبان
من كلب سارح في الغيطان
مستني ياكل لقمتي
مصر التي...
مصر التاريخ
اللي بيوصل للسما
والمصري كان عِشقه لها
أعظم روايه وملحمه
مصر التي...
سابت ضناها في الطريق
حقيقه لكن مؤلمه
كنتي زمان بتجمعي
دلوقتي ليه بتشتتي
مصر التي...