لأنه عصا وفر سموه عصفور
ويا كثر عصفاره كبار الأسماء
كل ما تضيق صدور تستاسع صدور
سنة من سنن الزمان الهلامي
ولا زاد سعر النفط نتزايد فجور
سنة من سنن الزمان الهلامي
ودايماً وراعي الحق مهجة وحذور
سنة من سنن الزمان الهلامي
وبيقاله بكرا: ترى منت مجبور
وبأقول للي قالها: يا عظامي
الصبح لو ما يدحر الليل بالنور؟
تعيش عمرك كلبوه في ظلامي
سجّل يا تاريخ الشعر أصدق سطور
أنا سعد علوش والمجد زامي
أعيش عيشة فقر وأموت مقبور
ولا أحني راسي وأغير كلامي
شاعر وأقود أجيال وأعطش بحور
عصامي وشعري سُولِتِس عصامي
ما كذبّه على نساوين وبزور
احفظ مقامه مثل ما أحفظ مقامي
ومن قبل حتى أكون شاعر ومخبور؟
لي رأيي المطلق ولي اهتمامي
واضح وأمثل خيرة الناس وأثور
لما أسمع أن التغافل تسامي
ف يا رب لا تجعلني أسكت على زور
واجعل حسناتي مقاصيص أثامي
ولا تفرشني على كبد ممرور
ولا تعرّض بي لسان انتقامي
لأن الحقيقة سم وإظهارها جور
على القلوب أم الجهل والتعامي
وأنا حقيقي فكر وشعور وظهور
ومانيب أجر كشرتي وابتسامي
فبأقولها وبيصير هالقول مأثور
مع عدم شكري وبالغ سلامي
المجتمع غالبه رجعي ومغرور
وفارغ من الداخل وساذج ونامي
أبناء القبايل وأهل السيف والكور
قتالهم على المسجات حامي
لو هالملايين أنفقت وطهور؟
على البنى عم والجياع الضوامي؟
ما شفت شحاذين وديون وعثور
بين القبايل هاه وين التحامي؟
صفّوا يا آخر جيل فالشعر طابور
قدامكم ليل ووراكم حرامي
بالدور بالله وقفوا زين بالدور
ويلقي الكوميدي قبل يلقي الدرامي
والكل منهي في وقوفه ومأمور
الوقت ضيّق والتقيّد لزامي
وما هو مهم يكون لك فكر وشعور
أهم شي تكون شاعر نظامي
ولا فيه لا الجنة ولا فيه دستور
الاسم سامي طالما الاسم سامي
يا صاحبي يا أخي يا شاعر يا مغمور
ما هكذا تُعرف وتُشهر الأسماء
وش الفايدة تصير شاعر ومشهور
إذا أنت تبع موهبة وانهزامي؟
لأن اللي يطلب من رعاع العرب شور
ما هو أهل للمعرفة والتسامي
أدري بتزعل ناس وبتلف وتدور
وبتقول فيني قول جارح ودامي
وبتجي ردود العالم العري والهو
مثل الخريش اللي بليا خطامي
لكن عزاي أني مع الحق مسرور
لو تزعل أخوالي وتزعل عمامي
عن قول كلمة حق مانيب معذور
مبادئي خلفي وقبري أمامي
عادي أخسر أصحاب وأخسر جمهور
أهم شي أني ما أخسر احترامي