مد المسا ظله يبي ياصل الشمس
لكن تردى بين حوله وحولي
ومد المسا ظله على كفيه خمس
خمسٍ رسمهن فوق كفي وزولي
الليل عانق مسمعي صاح بالطمس
والليل صاحي بين عالي ونزولي
يا منادية لليل الليل به همس
وهمس الخفايا ما تقيد جفولي
وابيات شعرك دونت لوحة الرمس
تكتب على وجه المحبه عذولي
أنتي عيوني والوفاء عشقيه امس
وانتي نظيري لو على الناس قولي
بيني وبينك والندى خطوة اللمس
لمسي سنا الخفاق كسري خجولي
ردي عجولٍ خاطري اليوم في حمس
وانتي هنايه لو غدى الناس حولي