الله شاهد
اني احبك
الله شاهد لون گلبي بلون وجهك
يل سوالف صفنتك كلهه افتهمهه
يا قصيدة ...
وضحكتك بيت القصيد
انة اظل ممنونلك چي لسه عايش
من متت شوگك ندهني
واني مامل انتظارك
لان حته بغيبتك كلك محنه
اشعر بنشوة منهل دمع اشتياقي بليل شوگك
انت وحدك واهسي و للدنية بعدك مالي واهس
انت عدي الناس كلهه
وغيبتك تترك فراغ بگد غربتك
ووحشتك محد يسدهه
وانت تدري ...
اني غيرك ما اشوف
ودونك اعمة
الا اشم نسمة هوة مرت عليك
الهوة الينده زلوفك
من يعديهه و يمرني اطيب كلهه
وانت وينك؟؟؟ من أگلك
رد علية بگلبك و تلگاني ظلك
وبين ادية و حرت بيك منين اشمك
الترافة الي بخدك ... بيك كلك
وصفنتي الشيبت بس من نظر عينك
عدهه واهس تصفن بجملة صفاتك
انت شعرك ليلة العيد اعلة جتفك
لا تنثرة گبال عيني جروحي فقرة!
انت يل كل ذكرة من عدك تراث
شما يمر بيهه الوكت ترجع جديدة
كعبة الفراشة گمرة ...
ليش ما طافت على خدودك فراشة؟
وما يكفي ... لو اگضي الشوفتك كل عمري شوگ
الله شاهد اني احبك