عودوا عليّ عقب البطا يا حبايب
الكبد يجرحها النسيم الهويد
من جرب الفرقا قضى العمر شايب
تمره اعياد السنه ما يعيّد
خوفه تجلا من كبار المصايب
ومن كثر صكات الليالي تحيّد
من ذاق حب الغيد شقر الذوايب
دب الدبا مرعى حشاه وتبيّد
يا غايبه ما فالمحبه طلايب
شوقي طغى وانا شعوري مقيد
كم مرةٍ جيتك وعودت هايب
راسي عنيد وعادته ما تسيد
ما سيقت الشيمه علينا جلايب
ف صدورنا صرح الكرامه مشيد
ردوا ذهيبٍ له زمانين غايب
انشد عنه والحال ماهوب جيّد
عز الله ان سلاحي الرمي صايب
مير الفرص عيت تجي بالتصيد