حبل الثقه لا انقطع لا تلتوي فيه
صدر عسى الي حصل لي منك خيره
الكذب بابٍ من ابواب المشاريه
شهبٍ نواصيه وحباله قصيره
من عاش به تبحث الايام خافيه
وتبين الخافي الي في ضميره
ما يطعم الزاد بين الناس راعيه
حتى الهوى لو يمره يستثيره
للفطن ف عيونه رساله وتنبيه
ما يكشفه غير سيفٍ في جفيره
اخطى عليّ الزمن واخطيت يا هيه
وراك طولتها وهيه قصيره
العام قلبي تجود في عراويه
واليوم مدري وش نهاية مصيره
مشاعر الناس ماهي لعب ترفيه
ما يوجع الصادق الا ذنب غيره