يا فارقه شوفي لغيرك ذنب لو انه حلال
انا تعبت من الذنوب الي ماهيب خفيّفه
تعالي الله لا يهيينك كل ما جالك مجال
نب ننتظر جيتك حتى لو تجين مصيفه
رسالتك مثل الهبوب الي تجينا من شمال
ابرد من الي في فيايا العصر عند مكيفه
سجة ربيع وفرحةٍ فيها غناه وراس مال
من ذاق لذتها مقادير الحياه تعيفه
اسري على طيفك ليا جاني واسافر للخيال
يا من خبر طرقي يجي راع المحل ويضيّفه
معاد عقبك في مداهيل الصدر جرة غزال
حتى لو ان الصدر رمله والضلوع رهيفه
صبري قضى والي بقى لي منك عهدً لا يزال
ماهوب رقمٍ كل ليله نشطبه ونسيفه
الي يحبك لا عطاك الوجه جازه بالكمال
النفس حره لو تبى الحاجه .. ماهيب ضعيفه
لا ترتجيني لا نويت الصد وتنادي تعال
وادي خنوقه ما يحول في حزوم عفيفه