جتني تقول الوقت مرعب ودوار
كل شي حولي عن نظامه تحوّل
الناس صارت كل يوم لها ادوار
حتى القلوب بحبها ما تطوّل
والحين عقلي متعبه كثر الافكار
يحبسني ويطلع بعيد يتجوّل
ابي اسألك عشان مبكي ولا آغار
حبي بقلبك زي وضعه منوّل؟
قلت افتحي قلبي وصندوق الاسرار
وشوفي من اللي في نظامه مخوّل
ومن أي شخص يحب يسمع له أخبار
ولبطى ماجته أخبار كيف يتأول
ما غير حبك في حياتي حدث سار
ولا غير قلبي ب أصدق الحب توّل
انا وعدتك والوعد عند الاحرار
دينٍ كما نص الكلام المقوّل
انا وفيّ وأقولها امرار وامرار
ويفوق قلبي في وفاه السمؤال