ياغلاي احساس ه الليله كئيب
كيف أخط .. الآه وأكتبلك عذر
جيتلك بإحساس كل مابه رطيب
يانعنٍ بك .. يالغلا .. كله .. ثمر
زينة الاوصاف .. ي الورد الرحيب
أنتشي بك عطر باذخ من زهر
شوفتك عندي عليّه تستريب
تستقر في وسط روحي والصدر
كيف أقول اليوم ياشوق الغريب
و أنتي الغربه .. وآمالي سفر
هاتي الأشواق ي الحلم الصعيب
دامك انتي فيض روحي والعمر
مدي اوصالك .. انا يمك قريب
سهرةٍ فيها الغلا ( رشفة خمر )
اطعنيني والصدر منّك عطيب
صدري اللي ذايبٍ بك من شهر
ياهوى لو ماجمع ربي نصيب
أرسلي .. طيفك .. يعللني سهر
بالقصيد الي اخطه ثم يصيب
من جمالٍ زين وصفه لي سحر
سلسبيلك وصل دايم لي يجيب
صورة البرواز ب أحداقي شعر
إيه مامثلك في هالدنيا حبيب
فارقه مالك .. شبيهٍ ف البشر