الجادل اللي غربت غابت ولاشغلها الحساب
وانا بعد غيبة معاليها تعذرني الدروب
العيطموس اللي محبتها عذابٍ في عذاب
اللي تحب وقلبها كنه على الحب مغصوب
يامل قلبٍ كل مايطري عليه الحب ذاب
يذوب لامنه عرض له هاجس الغرو العذوب
الجادل اللي من دلعهاماتمل من العتاب
وانالياعاتبتها قالت:يابوقلبٍ لعوب
ياحجاب لمني فالهوى والحب تكفى ياحجاب
عشان اطيعك واحتسب لومك ولونه شحوب
اذن يابو قلبٍ معلق في منارات الغياب
ياعل من غاب وتغرب يسمع الصوت ويتوب
البارحه عديت في راس الطويل من الهضاب
وعديت لي خمسه وخامسهم مع الناس محسوب
امسى فؤادي شايبٍ منهك وانا كلي شباب
كلي شباب ومنهك فوادي مسريني شبوب
ينبض بحب اللي خذت فالقلب حق الانتخاب
شغموم عذراً ماتنام الا على نبض القلوب
راحت وجات وجيت ثم راحت وانا صدري هباب
عابر سبيلٍ ماجمعت الا الغبينه والذنوب
ياويله امن الله يوم القاه في يوم الحساب
المترف اللي ينحر افوادي عناد ولايتوب