اعواض مدري ويش ابا اقول ياعواض
من البارحة وانا أبني البيت وأقضه
سبايب وليفٍ نور خده كما النواض
علاه العيون من أزرق الدمع مكتظة
وليفٍ قسم بالله عن ولفته ما اعتاض
حنانه ونجلاه ومكاسيره الغضّة
يباني وانااباه ونقض عهدنا نقّاض
جلس لي ضعيفٍ دونها قايمٍ حضه
تركني على ساحل وصاله خليّ وفاض
منه واستدارت فرقة الصد منقضّه
عليّه وانارجلٍ لياقفت أعنّ الحاض
ما ودّهت للمقفي لو اونست له رضه
بعدماابرهزالهجر واستفحل الاعراض
أبرثيه وابيات الرثاء فيه منجضه
وجودي عليها وجد حظي على المنهاض
ليا شاف صاف الماء ثنى رجله وخضه
رثيته وهو حيٍ وانا حي والألفاض
تبي تخدمه لو كان بيتي على أضّه
بعدها وانا بنشدك ياصاحبٍ قد خاض
دروب المراجل وانحسب فأول الكظه
تداحم مغاتير النوايا على المركاض
بفكري وصدري والاصاحيب منفضه
وانا وين ابلقى فالاصاحيب ياعواض
معادن ذهب والماس وقلوبها فضه