شكواي (بو فارس) على اللي سرَقْني
دامك خبيرٍ في أمور الجريمة
شَخْصٍ أخَذْ قلبي وْصَدّ وْهجَرْني
من بعد ما كِنّا نديم ونديمه
زَور ملفّات الغرام وخدَعْني
بعد الأمور الواضحات السليمة
وافي أنا بْحبّه ولكن صدمني
والله يا (ضاحي) صَدْمتي به أليمه
ياما جَرَحْ ناسٍ وياما طعنّي
وياما نَهَبْ ناسٍ وْكلٍ خصيمه
لا تقول منّي، لا حَشَا هوب منّي
ممنوع أخْذ الثار ثاري لزيمه
بْكَشْف الجريمة أمنكم ما لَحَقْني
مجرم ما بين الناس هذي عظيمه
باعطيك من وصفه ودوّر وعنّي
واعمل تحرّي فْ... كل بيتٍ وخيمه
كانك لقيته لى شبيه الدمنّي
أبو العيون الناعسات العديمة
أهو الذي بْحِسْنه يا (ضاحي) غلبْني
ولا أظن ترضى لي أنا بالهزيمة