أشهد أني من قبيلة صيتها ما له مدى
ما وفتها بالمديح أشكال وأنواع القصيد
وأشهد أني في مطيحي صحت ما جاني حدى
يا … قبيله ما عرفنا غير صيت ولا جديد
وأشهد أني م انتخيتك يالقبيلة في ردى
مير ما بك من رجال آ وكان فيها ما يفيد
واشهد انه يالقبيلة فيه من لبّى الندى
حاول آ وحاول ولكن ما نهض ابن الوليد
كبّي اعلوم المشايخ ضاعت الهقوه سدى
ملت أسماعي سوالف والسوالف وش تزيد
شاعرن تعداد قومي وحده آ ويرعب عدى
في ميادين الرجولة خطّت المجد التليد
شاعرن مكثر شيوخي كل شيخ ن وارتدى
صيت جداني ولا له غير هالصيت آ وسعيد
شاعرن هباط قومي سيف واعياه الصّدى
يشكي آ لغمده سباته مير بالهابط بليد
كلّ مستشيخ وهابط عقب هالطيحه غدى
شيء لا يذكر ومني تاخذ العلم الأكيد
جيت أنا شيخ ن وقالوا شيخ للعاني فدى
واثر به نايم وهايم والله الله يا... يزيد
وجيت كم هابط ولكن ما سمعت الا صدى
صوتي المخنوق يرثي مبتلي ما له عضيد
باكر آ وعند النيابة للعشا بعد... الغدا
تكثر اذيول المشايخ لأجل أصوات العبيد
والصّور في كلّ حايط بيت ولا منتدى
تشهد أن فلان بيده جنة العيش.. الرغيد
والحقيقة غير والله كذبهم ما له مدى
كل أبوهم ما وفاهم شكل وأنواع القصيد
واشهد انه يالقبيله فيه من لبّى الندى
حاول آ وحاول ولكن ما نهض إبن الوليد