من منطلق فن الكتابة في عصورٍ ماضيات
..شديت انا خطام القصيد الي بدع مثايله
وعلى بساط حروف شعرآ بالوصايف عاليات
..جيت اتباها بالقصيد الي ب صدري شايله
جيت انسج المعنى دُرر يرقى طويل النايفات
..فوق السحاب الي عيوني كل يوم تخايله
تخطّني قصيدتي بين الملاقى والشتات
..و أجمّع اشتات المعاني عن دروب المايله
نعم كذا لا قلتها فكرآ يغرد في سُبات
.. خل الشعر ينسى كلااااام الي كتب هزايله
وياحاسدي لاقلتها مايستويلك من صحات
.. اترك طريق الي كتب فوق السما جزايله
الي يقول القول ماله لو حكى ذرة قوات
.. منهو جحد حق النشاما كذب الله قايله
وياحايل العز المسمى والقصور الباديات
.. في صفحة الشعر المقفى والسنين تهايله
قد قالها راكان ابن حثلين يوم الواقعات
.. من باب برزان السعد حتى مشارف وايله
الغانمه ترقى سنام المجد فوق الطايلات
.. صاروا عليها كل قومي بالفعايل حايله
حقآ علينا عزنا يرقى سنام الشامخات
..مدام ( غلبا ) سُميت كسبٍ ينومس نايله
وآل الرشيد الي فعايلهم قديمٍ باقيات
.. فعلٍ جعل كل الطنايا بالوصايف طايله
مكاسر العنبر فخر شعا شعا فوق السرات
.. رقى،، سما،، حتى،،تعلى ب العُلا نزايله
بدّيتها بين القصايد وافيه من وافيات
.. اتزهى لكم (يالابتي) شعرٍ يجمّل قايله