أعتليت الطيب من نبعي عطا
واعتلابي حرف شامخ مايبيد
للعُلا ماهو على حد الوطا
دون غاية خاطري لا ما اريد
أستبحت القاف مامني خطا
شاعرآ مرقاه للمعنى وكيد
غازيآ ب الحرف مامنّه بطا
لابغى المعنى على شعره يزيد
الجزل دايم ليا منه سطا
مكسبه دايم على المعنى تليد
مالها وان قلت يانايف غطا
دامها ب العلم والرآي السديد
دونها الي لا كتبها ماشطا
والمعاني في حضوره ك العبيد
شمرين لا كتب كلّه عطا
يعطي الامجاد للمعنى قصيد