ما يدفي الروح في ليلة شتاء باردة
إلا اشتعال القصايد بأعذب أبياتها
اللحظة الملهمة والفكرة الشاردة
والكلمة اللي يشع النور من ذاتها
والنظرة اللي لجنحان المدى فاردة
تلمس نجوم السما وتغير أوقاتها
وزحام الأشواق والأفكار متواردة
وأجمل ليالي العمر وأبلغ علاماتها
وين اللي تمر نبع أشعاري وتارده
وتسقي جفاف الليالي من صباحاتها
أقول: منك القصايد كلها وارده
وتقول لآخر قصيدة قلتها: هاتها
من بعدك الشعر كيف أهواه وأطارده
ومن بعدك الروح من يدفي ارتعاشاتها
يا ملهمة شعري الفاتن ويا ماردِه
يا أجمل قصايد حياتي وأعذب أبياتها
كل القصايد غدت في غيبتك باردة
وكل الليالي ملل وطوال ساعاتها