تذكرين الفل في ذاك الزمان
يوم عطيتيني وانا باقي صغير
وقتها الساعة بدت تدخل ثمان
والردايم مِرْسلَهْ ذاك العبير
والنجوم اللامعه حول المكان
ترسم البسمه على ثغر الغدير
وارتعاشاتك ونبضك والحنان
والبريق اللي بعيونك والحرير
يوم مديتي بذاك الفل كان
كل ما فيني بساحاتك أسير
قلتلك يا بنت!!.. قلتيلي عشان
ريحتي تبقى معك برد وهجير
يومها حطيت فُلِّك في أمان
ريحته والله لا يمكن تطير