الله من موقٍ تكدر مباته
لو الكرى يشرا وينباع ل اشريه
لالا تصحي هاجسي من سباته
حسب الغلا االي ذاخره لاتصحيه
توّك تجي والليل يجمع شتاته
عانه يلوّح للمحبين بيديه
ماهوب متندّم على شي فاته
ياخذ منه وقته ومرات يعطيه
لاتلعب بشاعر حروفه فراته
لو حوّلت في بحر لجّي تحليه
الوقت ماحقق جميع امنياته
كم حلم متمنّع وكم حلم ناسيه
انكان باقي شي لليل هاته
وانكان عندك شي للصبح مابيه
عينت حبٍ مات ينبض رفاته
هذاك حبّك نسمةالشوق تحييه
ان هبّت الذكرى تغريف نباته
تلقى النفل والفل والورد كاسيه