ضاق الفضى واستفرد الحزن بالكون
في ليلتن ماسرها طيب حالي
قمت آتخبط في تفاكير وظنون
تضيق منها النفس ويضيق بالي !
أخافها وتناجي الروح وشلون؟
نسيت بان الظن بعضه ظلالي؟
أبحرت في مركب خيالات مشحون
من كل حاجه يدّعيها خيالي
عاقل لقى بافكاره اطباع مجنون
شفني بهذا الشطر أقرب مثالي
احس ذاكرتي وطن بات مسكون
لأشياء مااتقدر عليها ثقالي !
واحس داخل صدري اشخاص يبكون
من حزنهم دمعات عيني تهآلي
أزعجني الواقع ب يتكون ، ماتكون !
إلين ما قررت أكون ...انعزالي
في مجتمع ترك القيم عنده تهون
لقيت انا الراحه جلوسي لحالي!
ناسً ماغير اليا بغوا شي يلفون
قدرتهم من شآن خاطر ليالي
فيها تبادلنا من الودّ مظمون
يكسر هذاك الوقت لامن طرالي
ياصاحبي : لاهنت وافي وممنون
أدري عشان الغالي يهون غالي
بعض الكلام يظل بالصدر مدفون
ياصآح يمكن يجرحك لو يقالي
وان قدر المولى ولك فكر وعيون
بتشوف من تصعب عليه التوالي
صحى ضمير بداخلي كان مسجون
مصير كل الارض هذي.. تزالي
حاول تناسى...واسجد لربك بهون
وأحذر بيوم انك لغيره تبالي!