ليش صدرك يا حبيبي ما يقول إحساسه
وابشر بقلبٍ يلبي من غلا مطلوبك
الغلاء والحب لا تدخل عليه سياسة
ما يكفيني عن وصالك وصل مندوبك
أنت شخص من قدمه الين هامة راسه
فارقاً بس السكوت المستمر عذروبك
يا بعد روحي ويا موطن غلاي وناسه
كم مضى لي وقت وأنا ما عرفت دروبك
صار قلبي ينشغل في معمعة وسواسه
اتخيل نوب شافك العشاق ثم هجوبك
وان شغلت الفكر لين يلجّ به هوجاسه
ما سكبت إلا الزلال وعادته مشروبك
كم رسمتك بالقصيد وغطرفت كراسه
وأيقظ العشّاق شعري وعقبها طاروبك
حبك أقتاته لجوع القلب واثمل كاسه
ايه حبك مالي الدنيا على محسوبك
نوب اشوفك في بنات الناس زي الماسة
ونوب كنك نورٍ أشرق في ليالي ثوبك
أنت شخصٍ ما يبيله فالجمال افراسه
خلفوك أهلك جمال باذخٍ وأشقوا بك
ليتهم سووا عليك الباحثين دراسه
وحللوا جينك وتأثيرك وسر أسلوبك
تسرق العقل بسلاسة من يدي حراسه
وكل نفحٍ من نسيم الصبح دربه صوبك
وجهك البدري يكايد في بهاه لعاسه
ورمشك يرجح موازينك زمان حروبك حروبك
أن نويت النصر مني ثم لبست لباسه
أنت والله ما يعاود كرّته مغلوبك
خاف ربك منك قلبي كاثرات اوناسه
وانتبه فيني لا تكثر يا غلاي ذنوبك