قلبى مشاتل من حنين الورد
يطلع الشوق المحنى من شرايينى
يكسى فؤاد السكك فى الفجر
الصبح طالع يستحمى فيه عيون الخلق
وانت تشق الارض طول مع عرض
تغسل سكك زرع الغيطان تباشير
يملى الندى كفوفك
تغسل شقاوة ليل بطهر وذكر
طرح الملايكه من عيونك كون بيحلم بيك
ياخد ويديك البدر فى الحلم
الشمس بتغنى غنى ريفى ملان بالعشق
البنت نفس البنت بتراود تناهيدك
يدهن خجلها لحظتك فتموت محبه
وتلمحك رغبة قويه معديه من على شطك
وانت بتشرب عيونها على مهلك
تحضنك لزه وهزة شوق من امبارح
واقفه على كمك عصافير العصارى
فى انتظارى طوابير اشتهاء للفل
ضلك نبيتى ونسمتك تشبه رضايا
عطفة انوثتك بكر