على خير أشوفك كان حنا من الحيين
مصير الليالي تجمع الحي مع حيه
سرى النوم مع مسراك وأحفت دموع العين
كفوفٍ تكفه كفة الشمس للفية
بأمان الكريم ارحل وأنا في انتظارك لين
تدور الليالي دورةٍ ترجعك ليه
لك الله ما عن ناظري غبت لو يومين
كواني فراقك كيةٍ فوقها كية
ولا والله أرخصتك ولا شفت غيرك زين
وأنا أدري بحبك لي وأنا صادق النية
أباصلك لو تبعد وأنا حافي الرجلين
صريع الغواني لو جحد فيه مارية
تموت القلوب الخالية بين زين وشين
وتعيش القلوب اللي على الود مبنية
ترى البعد بعد القلب ما هوب بعد البين
إلى صار من ودعك يا عدك بالجيه