والله أني بحبك يا شروق أنكويت
مثل من داس جمرة بالقدم ما درى
صوبتني عيونك بالحشاء ما دريت
كل شيٍ برا إلا جرحها ما برى
قد نسيت الغرام وقد سمحت وسليت
لين شفتك بعيني يا غزال القرا
بسمتك رجّعتني للغرام وبكيت
عوّد القلب يرجف وانحشر وانفرا
بين جفني وعيني يا عيوني مشيت
مثل ممشى المقيّد في دكاك وثرى
يا عيوني سكنته في حشاي وبنيت
منزلٍ لك يخصك فيه ظل وذرا
كل ما زرت حيّك قلت ياليت ليت
انوي المشي قدامي واعوّد وراء
وإن بغيت انكر اسمك واجحده ما قويت
ودّع النوم عيني من سببك وسرى
بعت غيرك بلاش وسمت منك وشريت
وش على الناس مني ليه باع وشرى؟