في القلب لك ذكرى وفي العين ذكرى
محال تمحيها الليالي والايّامْ
سطّرْت فيهن لك على الدّهْر سطرا
لا ما رسم مثله عن الحب رسّام
تنفح مشاعرنا عن الحب شِعْرا
شِعْرٍ يشاطرنا المحبّه وِلِغْرام
للذكريات بداجي الليل عِطرا
أريجها كالورد ما بين الاكمام
يا ليت من يشدو ويكتب ويقرا
ما يكتِب ويشدو الا لك بالانغام
كانت ليالينا بحسناك قَمرا
على سناها صادح الشوق ما نام
ساعاتها بالسعد والطِيب تترى
على الجوانح مثلما نفح الانسام
فيها تبادلنا الحكايات نثرا
نثري بصدق علومها عقول وافهام
وان طال مسرانا فَ للشوق مسرى
نطوي به التاريخ عامٍ ورا عام
يا نفحةٍ هبّت على الجاش فَجرا
واطفَت لواعج من تدّله ومن هام
من غيرها يطفي من القلب جمرا
لكنّها مرت كما طيف الاحلام
اسكرْتنا بالعطف من دون خمرا
وارويتنا بالعرف كاسات الالهام
حياتنا بك يا ندى الروح خضرا
وارواحنا بك بين جنات وانعام
لك في خفوق اللي يحبك مقَرَا
ما لك شريك بساحته بين الآنام