أصيح يا خلي ولاني ب مسموع
رفعت صوتي لين كلٍ درى به
أنا الجريح اللي من الصد مفجوع
وقلبي من الفرقا تزايد عذابه
لى غبت عني ساعةٍ كنها أسبوع
وعزي لمن مثلي تكدر شرابه
جفني قزى عن لذة النوم مصيوع
وحالي نحل من سبتك وا سفابه
يا صاحبي من وصلك أصبحت مقطوع
متى يعود الوصل عقب اغترابه
الشك ما بين المحبين مرفوع
وهرج العواذل ما نفع من حكا به
منتب عن اللي تشتهي النفس ممنوع
ما دام درب الحب منسد بابه