يا تركي اسرع يمي وهات السجل
فضلا ولا تنسى القلم والمحبرة
أبوك مما صار في حاله خجل
وش عاد لو ينثر على الطرس اعبره
دقات قلبه تعزف إيقاعٍ عجل
قلبٍ خضر وأدنات ما جاب إخبره
والا عنود الصيد في طبعه وجل
يجفل ليا هز الهوى غصن شجره
الله يستر منك يا ذات الحجل
ياللي حديثك مثل قطعة سُكّره
مدري جذبني سكبت الطّرف النّجل
والاّ جذبني برق عبل لعنتره
والاّ كهانة سحر وشويّة دجل
حتى تساوى رقم واحد وإْعشره
واللي خلقْك أُنثى وسوّاني رجُل
إنّك ملاك إبعيني بصورة مره
قبل الشمالي لا يوافيه الأجل
يكفيه من وصلك ولو سلك إمكره