هنا بحرك مدى واماله الغبه وموجه حال
كذا مابيني وبينك وأماني العمر وغيابك
اناواللي خلق وجه العزيزوحرمته ورحال
اداري هم جيات المدامع يوم لي جابك
حزن خلاني ابكي له ونادى بالقبور أزوال
قهرني لين مادمعي تهامل يحتضن بابك
عسى ربي يعوضني جنانه كان فيني طال
ولاتشمت قلوب الحاسدةوعيون شيابك
تركني جرح للفال الردي والفلسفه واقوال
ترد العلم عن سافر عربها في وطا شعابك
انا ياحصه المبلي بنوحه في سنين طوال
لبسني زي مايلبس جسدك الطاهر ثيابك
أداري هم خيبات الحنين بروحته وإقبال
بوجدي من ردى سود النوايا وصمت غنابك
تجاوز كل لحظات البراءة في وجيه اطفال
كبر في داخل ضلوع الشمالي وحسرةعتابك
وجع يتمايل بصورة ضمير وبهرجه وأمثال
ترددها عرب ربي برمضى الشوق بأسبابك
أحبك من هنا لين القتيل اللي رفض يغتال
صرخ في غربة أشعاري ينادي وقت عيابك
تثاقلت المصير اللي يبي من دنيتي ولازال
رفضته مثل واقع فيه ذاك الحي لا غابك
أحبك وأشعر الارض الفسيحه مابها ابطال
سوى هاك الحروف الخالده بداخل كتابك
تكابرت الطعون الجارحه من فم منهو قال
عن ابيات الغرام المحرجه من عرفو أحبابك
وأنا ماني وسيع البال يمك لا وصل مرسال
يقول البارحه وثق قصيده لأقرب اصحابك