مشكور يا ظرفٍ كشف بعض الأصحاب
كم واحدٍ وقت اللوازم تغيّر
يوم السعه وأصحابي أفواج وأسراب
قول المثل ما غير طبّ وتخيّر
وإن جت علوم الجد في فتل الأشناب
تناثروا مثل الحمام المطيّر
من سرعة المنحاش ما ميّز الباب
يخاف من عقب أخوياه يتحيّر
قولوا لهم من غير تجريح وعتاب
قلبي عن أصحاب المصالح مذيّر
من لا وقف جنبي على يسر وانشاب
ماهو بخادعني فلاني صغيّر
يغيب يحضر ما حسبنا له حساب
كفّه على ردّ الجمايل قصيّر