يامشرف المرقاب خله لمشطون
حول وخل مولع القلب يرقا
خله لمشطونٍ تزايد به طعون
على عشيرٍ زود الهجر فرقا
كبدي من الغالي بها تسعة طعون
والعاشره يانمر بالقلب زرقا
طفلٍ يتل القلب تلٍ بلاهون
يسبى الفؤاد ويسرق الحال سرقا
محدٍ عشق مثله من الحضر وظعون
وشمر وعنازٍ وروقٍ وبرقا
سهرت يومٍ الخلايق ينامون
ويزيد نوحي كل ماناح ورقا
ياسفلي اللي للهواء مايعرفون
يانمر شلاني من الدمع غرقا