أبي أنسى

أبي أنسى...

ولكن في الهوى ذكراك...

يلاعب غصنها محياك

وكنه يقول العمر

يبي يفنى... ولا ينساك...

أنا أذكر...

سهرنا للصباح الحي...

ونورنا ظلام الحي...

وكنا على الموعد

نزرع في الحياة الضي

وأنا أذكر

فتيل الشوق يحرقنا

ولا يقدر يجمعنا

تجمعنا صدف هالليل

إلى منا تفرقنا

وأنا أذكر

أعشق صوتك بهمسك

وأداري حسي بحسك

وسوالفنا عن الحفلة

وفستان أبيض على جسمك

وأنا أذكر

تخالفنا على اسم البنت

تبين سارة وأبيها كنت

نورة... لأني معاهدٍ أمي

وقلتي... سمّ اللي تبيه أنت

وأنا أذكر

زعلتي مرة بدون شعور

وتعاملني بكل غرور

وأقول من حقها جنة

وكل الأرض حواليها تدور

وأنا أذكر

دموعك هلت بحسرة

وأنا حسيت بالكسرة

عجزت أمسك دموع الخوف

وقلتي لي... ترى يسرة

وأنا أذكر

وأذكر وأذكر ولا أنسى

وش الحاصل عشان يقسى

عجزت أذكر وش الحاصل

واثاري حضرتك... تبي فرقا... !

أنا حاضر...

وأنا لبيه وأنا لك سم

ما دامت رغبتك يا عم

تروح وتترك الذكرى...

أنا راحل... معاي الهم... !