أتخيلك...
وينبت من يسار الصدر وردة
وتتشكل على هيئة ملاك
أتخيلك...
وادري الحقيقة فيك مترددة
يا حياتي الخالية منك هلاك
أتخيلك...
يا حقيقة الأشياء والأول
يا أساس الحياة وإن طول
بعادك والله أني أكرهه
وأتخيلك...
وأتخيلك...
وأتخيل الدنيا بلاك...
والله إنها في غيابك هلاك...
لا تطوّل بالغياب...
الخيال شوي... ما يروي ضماي
أرضي جدب... ويدينك هناي
كيف أعيش العمر دونك... ما قويت
كيف اقرأ في حياتي شي... عمري ما قريت
ولا نويت
إلا أني... أتخيلك
وارسم لك ببالي رسم
وجه ضاحك مبتسم
وجه ابيض مرتسم
يضحك قبالي وأشوفه
شلون الحلم من بعدك أعوفه؟
وأتخيلك...
واكمل الرحلة معاك
من حقيقة موعدي الأول معاك
لين ما شفتك تصد وتختفي
يا مهتني...
شلون قلبك طاوعك... وابعدتني؟
شلون تنسى قلب عايش... يعتني
بس فيك وفي عيونك
والله انهم ما يبونك
كلهم ما يجونك
خلني بس أتخيلك
وأرسمك صحراء وبحر
وان زهاك الماء... يفداك العمر
وما يمر
يومي إلا وأتخيلك