انا احبك

انا احبك

وكثيره حيل رغباتي

يا رغباتي الكثيره فيك

تعالي وحققي حلمي ..

ابي حضنك وادفى فيه

وابي صوتك .. بعد وابغاه

يملي كوني الصامت ..

يا صمت الكون ما يكفي

سوادك اخرس بهمسي

يا رغباتي الكثيرة فيك ..

ابي عطرك .. يغطيني

وابي شوفك .. يلملمني

وابي كفوفك .. تكلمني

وابيك بكل ما فيني ..

تخيل بس لو صارت ..

ومسكت كفوفك بكفي

وعطرك .. رجع الذكرى

لمكان كانت الرجلين

ما تنوي لغيره المسرى

مكان كان يجمعنا

مكان كان يشملنا

وضحكاتك ..

اااه يا ضحكاتك

قبلها الكون كان ابكم

ولا بريحه ولا بأي لون

يا ضحكاتك .. عظيمة شلون ؟

تاخذني من اللاشيء ..

وتعطيني الكل .. من كل شي ..

يا رغباتي الكثيرة فيك ..

تعالي و حققي حلمي

وتعالي ما ابي الا انتي

تعالي واضحكي فيني

وخلي الكون يتراقص

تعالي بعطرك الصارخ

يا لذة يومي و امسي

تعالي وامسك كفوفي

تعالي بس .. وتشوفي

عيونٍ تزهر بشوفك

وروح تنتمي لخوفك

تعالي وبس يا قمرا

بإخر شهري وكله

احبك .. والحياة الوان

يا الواني .. و اشكالي

تعالي بكل رغباتي

يا كل رغباتي ..

ومن اول قلتها للحين

احبك ..

يا كل حلمي و رغباتي