خلّ الكلام يموت في صدرك ولا تطلب حلول
بالله قل لي... من سوى ربّك بيده يحلّها؟
مرة تسولف للسما، مرة البشر، مرة الخيول
دامك مضيّع حاجتك، تبغى الغريب يدلّها!
كم مرة تهدّك ظروفك، يعجزك حلم الوصول
تسهر ودمعك ماليٍ ذيك المخدّة كلها
الهمّ دايم لا كبر وتعقّد... يْحَلّ ويزول
ما شفت دمعات السحايب لا أثقلتها تهلّها
بكره نْتخفّف من عنا الأيام، من ذيك الحمول
ونقول ربّي خالق الدنيا وأهلها... حلّها