ياناس حنا من ضنا نجد عتبان

ياناس حّنا من ضنا نجد عتبان

يشهد لنا التاريخ لو قلت حنّا

حنا فياض ٍ وأن قسى الوقت ضلعان

حنّا البحر مدام ؟ هالأرض منّا

حنّا الرعد حنّا زلازل وبركان

حنّا دمار الكون لوقيل ؟؟ عنّا

حنّا شعاع الشمس والليل خسران

حنّا الليالي لاأقبلن ما ؟ وطنّا

حنّا غدير ٍ يعشقه كل ضميان

حنّا غرام ٍ والعذارا هونّا

حنّا الكرم والطيب شايب وشبّان

حنّا عتيبه من لنا المجد غنّا

حنّا سلاطين الجزيره إلى الآن

ماهمنّا اللي بالنوايا أمتحنّا

حنّا سيوفٍ هابنا كل خوان

حنا السنين الماضيه ؟ من بكنّا

حنّا السما لا صار بالأرض نقصان

بعد الوّلي هالكون منّا وألنا

حنّا هنا وأعرف بلاكان ماكان

حنّا هنا وهناك كنّا وإنّا

حنّا وحنّا لوبغى القول برهان

المجد والعّزه سوى أكتبّنا

شاعر وجيت ؟ من الفخر حيل طربان

دام الطروق اللي تغنّا لحنّا

حنّا قصيده شامخه تحت عنوان

حنّا عتيبه وأنشد الكل ؟ عنّا