صباح ألطف صباح أنتي صباح الخير ياسمرا
صباح أول فجر أشرق بنوره والزمن ؟؟ غافي
هلابك ياصباح أشرق تعبت أواصل المسرا
على كفي أشيل الهم وحزني فوق أكتافي
تعبت أكتب عذابي في زمن جاهل ولايقرا
نسجت من الحروف أروع قصيده صارت الحافي
ثلاث أسنين ياسمرا وجرحي مايبي يبرا
بصدري خنجر ٍ ذابت بدم العاشق الوافي
وربي والعيون السود وراسك والسما العذرا
ماغيرك بالبشر أنسان سجدله فكري وقافي
أحبك لويموت الحب وتبقى داخلي جمرا
تشب وتحترق فيني ماصحت وقلتلك كافي
صباح أنتي يانور الكون صباح الخير ياسمرا
صباح يذوب في عينك خجل من رمشك الضافي