شفتك جاي
والفراش صارحني بحقيقة
وگلي سرّ
مو انه فراشة صراحة
الگبال عينك فراشة بشر
وأنت جاي
گبل لا تمطر الدنيا
روحي غيمت
وگلبي نادالي المطر
گتله گلبي.. گال مابيّه صبر
عيونك اه منهن
تدري شراح اصير
اليباوع يلگاني قائد
وانه وي عيونك أسير
وانت فرحان بضحكتك
أخ منّك
أبيض من الغيمة تدري
حيل سنّك
يا حبيبي روحي چلمة
ومحطوطة بظرف
تقراها بطرف عينك وأنعرف
وتبقى بسماتك
ضد هذا البرود
أنت أول فراشة
جناحها ينكت ورود
تروح أنت وتتركلي سلام
وتعاند عيني وما تقبل تنام
ليش يا ساعة حنيني
ابقي شما طال الوجود
أنت أول فراشة جناحها ينكت ورود