شكثر حزنان

شكثر حزنان..

انه من الوجع

ما ضل نبض بالروح

وكلشي بالجسم من وجعي خدران

شكثر حزنان..

شكثر حزنان چي لون الصبح راح

اشو خلص الليل وماله خبر وامچان

وأشباح الليالي بعيوني اتطوف

وأبقي لوحدي شكثر حزنان،

شكثر حزنان من الناس

چن انه المدفون بيهم

وبالملامة تجسد الدفان

وأحس مذبوب بمتاهة

ولازم ما أضل حيران

ولازم عيوني مشدودات

ولو ردت افرح

اقدم للفرح الف برهان

شكثر حزنان..

أريد أغفى ع صدره

وابچي لحدما اروي شاماته

واسولفله شكثر حزنان

شكثر حزنان

أريد احچيله شكثر حزنان

شكثر تلوج بيّه الروح

چن اعصار بيها وتمرض السفان

چن روحي تركض اجت

من الله لليوم.. وتلهث بالتعب

ومطارحه التعبان

شكثر حزنان،

من كلشي شكثر حزنان

شكثر حزنان يا روحي

گاع وفوگي كل الغيم

وتكض بمطرها واضل عطشان

وشفَاف العتب تنشف

واضل احجي واضل ابجي

ومن دمعي اشرب

لكن ما سومرت رويان

شكثر حزنان..

مثل نخلة والخير منّي..

ومنهم بس فلح بستان

شكثر حزنان،

اونّ والگمر سهران

اونّ والنجوم اشهود

لاني ضحكت ولا شافني فرحان

ومن گد الحزن النجوم تنوح

وتونّ لحالتي من أمس للأن

شكثر حزنان

نجمة تحاجي نجمة

وتگلها شكثر حزنان

اخ يا روحي!

تحجي النجوم.. شكثر حزنان