سحر بنات الجن ما يسحرني
وكم بيت مات ب داخلي وانبنى بيت
قصيدتي طفولتي لك وكني
بعيونك أبحث شهرة الاسم والصيت
يا معجبة كاني غزيتك ب فني
ماشقاك سمعه مثل ماني تشقيت
شعرٍ به حروف الغضب لوعني
رعد يثور بداخلي لاتجليت
وعيونك اللي بالنظر عاتبني
ملّن وأنا من كثرة البوح مليت
وكم مقبلاتٍ بالهنا واعدني
راحن وأنا ب أطلال وعد استظليت
أقول بكره بس ماهو ب ضني
مستقبلي يرقص على كف عفريت
أنا ضحية والظروف البسنّي
ثوب الشقا وأنا ب لبسه تحليت
متناقضٍ ابكي وأسولف وأغنّي
هذه حياتي لو رفضت وتناسيت
قولي خطأ قولي كثير التجني
أنا ادري إني فوق ما قلت عانيت