ناقص واحد
واحد ناقص
زائد واحد
عاري وراقص
نازل يضرب كام مليون
والمسألة تتعقد خالص
لما دخلها رقم مجنون
عَمّال يفتح في الأقواس
حَط فْ جيب الزائد عنده
عَرَق الناس
أصبح فيها محدش يسوى
بعد ما طرح القوت والكسوة
ضرب النخوة ف نون النسوة
والمجموع أصبح محتاس
داس البسط على المقامات
والأعداد فيها اللي اتعور
واللي قام واتهور... مات
دفنوا السر معاه في القبر
واللي فيه الروح... راح يفضل
دايما واخد
ملحق جبر