مايبات الي يعزي تحت جصّه
والمُعزا تلعب براسه طواري
همي المرسول لو ينحاه لصّه
كم توسم فيه من كاتب وقاري
سولف الركبان في طاريه قصّه
استوت بين الحقيقه والهذاري
سرت بالدرب المسمى لين نصّه
وانكشف لي فيه ريضان وغداري
وانقسم لي بالمغانم فيه حصّه
جيت من بين الغوامض بالدراري
بت باطلال الاثر واصبحت اقصّه
قبل لاتجري على مثله جواري
والنعش فوق الثريا له منصّه
نجم مابين المعلا والسواري
خاتم العشق المعزى طاح فصّه
والريا له ثوب واصحابه عواري
ياسهى ساريك جوف الليل خصّه
والبدر ماغاب في داخل مداري
جيت منهو يشتكي بالحلق غصّه
اتعطف له بطوعي واختياري
قال دونك عالم الاحلام وصّه
واكرم الي جاع في عز الصفاري
قم وضم المزن لضلوعك ورصّه
وانثره فوق المباني والصحاري
قلت للي ثاير الغيران هصّه
إلتحف بشتي وانا بايع وشاري
وصفك المشهور مايخفيه نصّه
لاتخال العود مايحفظ وقاري