كل ماقلت هانت وإحتكمها حكيم
ضاع راي الحكيم وضاع فيها جداه
وجد حالي عليها من جديد وقديم
وجد منهو تركى يوم عمرعصاه
فكربفعلت اللي للكرامه عديم
يوم عزه صغيروكبره وإحتواه
علمه للمراجل كيف يصبح حشيم
ميرمافادعلمه وإستلذبعماه
يوم كبرت متونه من معزة كريم
زوجه يرجي الله يسعده ويهداه
وإبتلى في لئيمه وإحتضنها لئيم
ضاموالعودضيمن ماذكرمن وراه
يوم شيطان جاهم وإسمعوللرجيم
خلوالعودحايرمنعمي في خلاه
نام وأصبح صباحه مالقى له مقيم
جرصوته وصوته ينسمع من صداه
فكربوقته اللي عند ناسه حشيم
يوم كلن يقدرويتمنى رضاه
ثم تفكرولاأنه من عذابه سقيم
وإنقطع في حياته للمبره رجاه
روح العمروأقفى مابقى له نديم
عين تنظرخطاه وعين تنظرسماه
قام يدعي عليهم دعوة المستقيم
من ذكررحمة الله ماترجى سواه
ياالله إجعل رجاهم من ذراهم عديم
وإجعل الجرح فيهم مايلاقي دواه
ياولي وانت شايف وانت ياالله عليم
فعلهم كيف قلبي في ضلوعي كواه
وجد حالي وجوده وأرتجي من رحيم
يرحم اللي تحير في سلوم الحياه
ماأشتكي طول همي من هوى حب ريم
خدها ورد جوري ينوصف من حلاه
من هواها وصفها بالزهروالنسيم
أو وصفها بقمرى نورت له سماه
من تعافه يشبه حالته باليتيم
كنه اللي تيتم يوم ماهي معاه
نارهافي خفوقي ماتضرم ضريم
عندها اللي هواها وإكتفت في هواه
أشتكي من مشاكل ضاق منها الحليم
دورالوقت دوره وأفتكرفي رحاه
كل ماشفت رايي في رحاها حكيم
ضاع راي الحكيم وضاع فيها جداه