جيتك من النسيان تسبقني الشمس
الهم ذاتي والأماني سلاحي
جيتك من الذكرى بقايا من الأمس
الكيل طافح والشواظي رماحي
جيتك ولملمني بكلمة ولو همس
في ذاكرة عمري دروب السماحي
جيتك وأنا مثلي تباهت به النفس
تشرق على وضحك بنور الصباحي
ما هي حزينة بس دمعي بها الخمس
وبل الثرى بعده وبيّن جماحي
يا ذاكرة ما جيت ورماحنا غلس
تتباشر الدنيا ببيض الصفاحي
لو خط بالنسيان سيفٍ بلا ترس
أو تحمل الترحال سود البطاحي
يا ذاكرة لو جيت ما جيت بك لمس
جيتك على بعضي فياض وسراحي
جيتك وانا مثل المقفّي عن الشمس
هي حاجة المحروق ظل الضواحي