النجم نادى فالمجرة ضيا الصوت
واشعل فجاج الكون شمع وأسارير
لين ارتوت أبراج والحظ مبخوت
من فيضها نسقي حظوظ المشاوير
من بان صرحك يعتلي هامة بْيوت
الشاهد الله ما على الصرح تبرير
خل جاحد المعروف في صف جالوت
متنّحجبْ شمس الضحى بظلّة الدير
نهرك يفيض وساقيٍ جمْلة التوت
الزرع زرعك والثمر كله بخير
من وين ما حلّت رحالك لك اتفوت
أقدام خير وبالعطايا جماهير
كلّك وفاء ناديت يا يونس الحوت
ثورة غَضب تَعْمي عيون المغاوير
وسترجعك تاريخ يا حامل القوت
والكل يا خذ من يمينك تباشير
الصف صف الدين صفك يا طالوت
من قال بسم الله قلْنا كذا السير
وحنا على حب الوطن نوقف اقنوت
حُبّه من الإيمان لا شك هو غير؟؟!
منعوت خير وزاد هو خير منعوت
حضن وأمان .. الجار .. هو قافلة خير
والله ما سمنا الوطن لبس وبشوت
ندْعب وفاء أرتال في ناضح البير
عسر وْيسر هامات في وادي الموت
لين أصبحت مهدٍ ورود وأزاهير
مثل الوفي مثلك كذا ناهم الصوت
مشتاق لعروقه وهو شايف العير