في آخر الليل

في آخر الليل

بين الورق..

ونوم انسرق..

طلت من الشباك نجمة

كانت أرق من أي نسمة

مدت شعاع من الخيال..

وبهمسة قالت لي تعال..

كل عاشق وله نجمة

قالت سوالف غرام..

بين القمر والبحر

وكيف كان الخصام..

بين الغروب والسحَر

وليه عاش الظلام..

بين النغم والبشر!!

قالت وقالت كثير..

وباقي كلام!!

جابت بعض أخبارك

ولا أصدقها

باحت أغلى أسرارك

وقمت أسابقها

مدري هي تدل دارك

اللي أعشقها!!

ثم اختفت..

راحت مع الخاطر

يمكن تجي باكر

وتقول..

من هو اللي..

ما عرف طعم الأسى

من هو اللي..

عقب ما فارق نسى

من هو اللي..

طاب من عل وعسى

من هو اللي..

قد لقى للهم آخر!!

كل عاشق وله نجمة..