نعم سيدي وحنا خدام
طوع يمين الهمام
يزيد لنا فيامو
ربنابالعز والتمكين
القسم الأول
من دوحة خير الايام
صطفى لينا امام
معلوم مقامو
سمية سيدي زين الزين
من يومو شبل الضرغام
قدام عرب وعجام
يضاهي بكلامو
فطاحل فصاحة تبين
بين قرانو مقدام
شيمتو الرحمة واقدام
تبان فسلامو
بلفقراء كان ومازال حنين
مازال نذكرو ايام
قريبة مقرونة بالصيام
وفكل ايامو
يواسي كل من هو مسكين
القسم الثاني
سيدي ضيا لعيان
شعار ك لا مسكين
بالدليل وبالبرهان
قل من يمد اليدين
ماشي قليل ما كان
من افضال امير المومنين
يا سليل دوحة لهمام
من رفع لبلادنا لعلام
دام الله علامو
خفاق يرفرف فلخافقين
عشنا فالامن وسلام
ومزال ليام لقدام
كمال ايامو
وليس لخبار كن يقين
القسم الثالث
يا حفيد نبينا لمجد
يماير لخير وضحت تبان
يا سبط سيدنا محمد
ظل الالاه نعم السلطان
ولد وربى ووجد
سيدنا لزمان غير زمان
بلعزيمة مشمر لكمام
فلمحافل قبال الامم
مقدمو قدامو
فكل ظرف واوان وحين
قدامو جفوا لقلام
من كل حدب وصوب اعلام
تجيزكلامو
وما طرح بجدارة فتنين
اسيدنا ايلا سيدنا شيد
صروح وأمجاد البلاد
شعبنا كان ولازال يأيد
خطواتك يا ابر لولاد
ومغريبنا فحدودو سيد
ما شاء الله من سنين اعداد
دركنا اسيدي لمرام
بدولة لقانون والإسلام
بتطبيق احكامو
بالحق ما نفرطو فالدين
هكذا عرفونا الانام
الله والوطن والامام
مليكنا وحنا خدامو
شعار نا مدى السنين
القسم الرابع
سيدي رمز الشباب
شبابنا امرو يعنيك
متعلق حق باهداب
عرشك وبروحو يفديك
يتمنى تلقاليه سباب
املو فالله وفيك
والناظم قبلو ليك غلام
سيف من سيوفك صمصام
يباهي بنظامو
يدون مجادك تدوين
لعمر سخالي بمرام
عشت فحمى زوج كرام
ولو قات سكامو
فحمى حصنك الحصين
يا من علغيوب علام
رحم ملوكنا لعلام
والحسن مقامو
يكون فاعلى عليين
وسيدنا عالي لمقام
الفد واصل لرحام
زين لو ايامو
يا مستجاب الدعا امين
الفيلالي قال نعام
خديم سيدنا ضيا لنيام
يختم بسلامو
بصلاة خير المرسلين