بنيتي كوني فصرفك انسانة
بنيتي ا صغى لي عفاك نوصيك
ارحمي الناس يرحمك مولانا
بغي للناس الخير كلشي يبغيك
ما يهمك من يقول فلانا
وصي بالخير وعملو بيد يك
بنيتي عفاك قبضي فدينك
عضي عليه بنيابك وسنانك
هو عزك وشأ نك هو زينك
بيه يعلا قدرك ويرتفع مكانك
القرآن سراط الجنة بينها وبينك
بحب الله وذكرو يقوى ايمانك
بنيتي لا تغرك الدنيا بزواقها
الزواق مهما طال الوقت يزول
بنيتي لا تتبع الناس فأذ واقها
عمر الزين فالناس ما هو مكمول
زين البنت تاويلها وسماقها
الحيا ولحشمة والادب السر ولقبول
بنيتي تسلحي بالعلم فهذ الحياة
ما قضاها مزيان بزينو وجهالتو
البنت فزمانا عرضة للآفا ت
والرابح فيه الي ينجا بسلامتو
لا تعمر قلبك بد نيا تقيل وتبات
اميرة ما فاتك امير غيربهيبتووجلالتو
بنيتي اختاري حاضي اوقاتو
هذاك لي عمرو ما يفرط فيك
تكوني عمارة بيتو وحياتو
بغي ناسو يعنا بيك ويبغيك
نصيحة اب ينصح بها بناتو
مربي لبنات بالجنة الله يجازيك