زار ديك الزين لجافي
بدر ما غطاتو غيمة ولا حجبو خمار
القسم الاول
ذهب عيارو صافي
ما خالطتو شية ولا دوبتو النار
ما توصفو لقوافي
ولا عمرها تحصي محاسنو لشعار
ما يتنظر بشوافي
يدريوه الصالحين ويجحدوه لمكار
زارني وعاد يوا في
وانا سبابو فلهجرة حال ما يعذار
لبدن ظل عليل ملجفا نحيل
والوقت يمر ثقيل بضيق الحال
غزيل فن جميل طرفو دبيل
بنسيم الصبح يميلتقولو بودلال
ما يهمو قال وقيلطبعو صقيل
يشبه خدو الاسيلمواتي بخال
القسم الثاني
ولخال بدل عرافي
مروة تفدي فالطاغي الثار
ما يدري كيف يكافي
يظل ليها خديم ما طالتلو عمار
الكرم قالوا برهان ولكلمة حسان
قهروا كيد الشيطان لحجاتو داحضين
عفة فلوجه تبان والصبر لعنان
والزعامة شيهان تبهر الجاحدين
شيمات ناس الإيمان درعيل زمان
ملي كان الإنسان ولحبار لفايزين
السر فاحوازو خافي
ما يوصل لقرارو خو او جار
لمان ولحضن الدافي
لخير ما يروم لجوارو لعار
القسم الثالث
طبعو لحيا ولجودوفيه موجود
صيفات سيد لوجودو سيد لعبيد
الطيش عندو مفقود ما هواشي حقود
لاين الرزق محدود فلحضر ولبيد
شهامة ضراغم اسودقبالة لجحود
فقلب المومن موجود ليس عنو يحيد
صرفو ميزانو وافي
لمان فعمالو كساه لوقار
عمرو ما راه يحافي
لاين لكبير عمرو ما يصغار
القسم الرابع
فضل باهي لخلاق ما يدري نفاق
ولا كلامو بزواق ولا يلو بريق
ما ريت مثلو فرفاق ولا يدخل فسواق
يغض ويحني لرماق بكلامو تيق
علمو ماشي بوراق بحر معداق
صهبة حلال فالترياق منها ما تفيق
لسقام النفس يشافي
ولسقام ما تفرقني ليلي ونهار
فساكني تشبه لصدافي
او الدر لمكنون فوسط لمحار
القسم الخامس
كساه حلة من وقار شارق لنوار
كثير استغفار يرجا بيه خير
موجود فكل قطارو جميع لمصار
محبوب كبار وصغار فالتقوى لمير
مولاي بجاه المختار فرج لكدار
شفينا من كل ضرار ما يلحقنا الضير
يا راوي كون توافي
ناس لهمة منهوم سفاد ناس لفكار
والذي ضميرو حافي
ما يروي معاني ولا كلام حسبو حمار
السلام بالطيب يوافي
المصطفى الشفيع ومهاجرين وانصار
طب المعلول الشافي
ولكذا حفاظي لشياخ دوك لحبار
واسمي ما هو خافي
قول قال الفيلالي يا راوي اشعار
عندك مشموم قوافي
عزل منو وتخير لعراض منو ختار
مثيل لخد الصافي
ولمليح لا شك ما يعرف طريقو بوار